Berrikuntza finantzatzeko finantza-berrikuntza

02/12/2022

Eman lezake, baina ez. Epe luzerako mailegu guztiak ez dira berdinak, eta gaur egun bizi ditugun ingurune aldakor eta goranzko tasen inguruetan, desberdintasunak nabariagoak dira. Denbora gutxian, bete-betean sartu gara moneta-politika berri batean. Amaitu da doako dirua eskuratzeko aukera.

Duela egun gutxi, Christine Lagarde Europako Banku Zentraleko presidentea jendaurrean agertu zen, inflazioak goia jo ote zuen aurrean “mesfidati”. Gure diru-politika zuzentzeko arduradun nagusiaren baieztapen horrek, energia-kostuen inguruko ziurgabetasunarekin batera, biek berresten dute, Frankfurtetik datorren abenduaren 15eko goranzko berrikuspenetik harago ere, EBZ tasak igotzen jarraituko duela.

Gure ingurune hurbilean, igoera moteldu egin da, nahiz eta oraindik % 7 ingurukoa izan. Nolanahi ere, Banku Zentralak Europan dituen ikuspegiek ez dute zalantzarik uzten. Eta bere talaiatik, urrun geratzen da ekonomia estimulatzen eta geldiarazten ez duen “puntu neutroa”.

Euriborra gorantz, tasak gorantz eta finantzaketaren kostua, gora. Egoera horretan, enpresek etengabe begiratzen diote emaitzen kontuaren azken lerroari eta marjinei, hazten jarraitu behar dutelako eta jarraitu nahi dutelako. Baina, finantzaketa egonkorrik gabe, ez dago hazkunderik.

Horregatik, ez da harritzekoa berrikuntza funtsari buruzko gure webinarrak, piztu duen interesa. 60 enpresa baino gehiagok izena eman dute, Alba Moratalla gure kudeatzaile espezializatuaren bitartez finantza-irtenbide hau zuzenean ezagutzeko. Honek ere, agerian uzten du epe luzerako mailegu guztiak ez direla berdinak.

5 urterako mailegua, 1,5 milioi euroraino, Euribor + % 1,5eko tasa finkoarekin, % 2,8ko gehieneko mugarekin. Oso prezio lehiakorra diruaren prezioaren igoera honen aurrean. Ernesto Laurizikak, EDAI Mecatronic Engineering-eko gerenteak webinarrean esan zuen bezala, guretzako “bedeinkapena” izan da.

Finantza-produktu berritzailea da, eta bertako funtsak Bizkaiko lurraldeko partikularrek egiten dituzten ekarpenez hornitzen dira. PFEZan desgrabazioa lortzen duten partikularrak  dira eta Solventis kudeatzailearen bidez funtsa sortu ondoren, Elkargik Estatuko enpresa txiki eta ertain guztiei zuzendutako finantzaketa bermatzen du. Enpresa horiek, berrikuntzan edota beren produktuetan, prozesuetan, teknologian edo merkatuetan egindako hobekuntza nabarmenenak finantzatzen ditu.

Finantza-erakundeak funtsezkoak dira eta finantzaketa alternatiboak dakarren osagarria ez da mehatxu gisa hartu behar, aukera gisa baizik. Enpresa guztiek ezagutu egin behar dituzte eta gure borondatea horretan datza.

Finantza dibertsifikazioa lehiakortasun iturria da.