FINANZA bere ibilbidean aurrera doa

Finanza bere ibilbidean aurrera doa joan den urtean hasi zenetik. Elkargik gidatzen duen eta hainbat erakunderekin lankidetzan diharduen topagune finantzarioak hirugarren edizioa bete du, eta Arabako Parke Teknologikoan egin du.

Finantza-ezagutzaren hausnarketa, eztabaida eta zabalkunderako foro gisa sortua, Iñaki López Gandásegui (Aernnovako presidentea) eta Maria Pilar Carrato (CDTIko ekonomia- eta finantza-zuzendaria) bildu ditu gaur bere eszenaratzean.

CDTIko zuzendari Mª Pilar Carratok berretsi du enpresek likidezia izan dezaketela berrikuntza-proiektuak edo osagai teknologikoak finantzatzeko. Azpimarratu duenez, «Erakunde laguntzaile, publiko eta pribatu guztien lana da CDTIk enpresaren zerbitzura jartzen dituen produktuen multzoa ezagutaraztea».

Bestalde, López Gandáseguik adierazi duenez, “Globalizazioaren kontzeptua aldatzen ari da, eta, beraz, gertatzen ari diren aldaketei buruz hausnartu behar da, hobeto eta aldaketa-garaian sor daitezkeen aukerak aprobetxatzeko”.

Galderen solasaldian, Euskal Autonomia Erkidegoak I+Gko inbertsioan eta garapenean eta euskal enpresen kalitatean duen jarrera bikaina azpimarratu dute biek, eta berrikuntzaren eta jasangarritasunaren alde aspalditik egindako apustua.

Jardunaldia Ramiro González Arabako Ahaldun Nagusiak itxi du. Adierazi duenez, pandemiak eta Ukrainako gatazkak eragindako desoreka handien aurrean, gizarte gisa hazten jarraitu behar da, egungo egoera betebehar gisa hartuta, etorkizuna arriskuan ez jartzeko.