Uncategorized @eu
Kontroleko esperientzien eredu errealak eta akaber...
Enpresa bakoitzak bere errealitatea duen arren, guztiek dute elementu komun...
03/05/2022
Akordio horri esker, eta beste neurri batzuen artean, dokumentalen koprodukzio foroak 5.000 eurora arte handituko du proiektu onenaren saria.
Foroa antolatzen duen IBAIA/Euskal Autonomia Erkidegoko Ikus-entzunezko Ekoizle Burujabeen Elkartearen eta ELKARGIren artean lortutako lankidetza horrek indartu eta agerian uzten du finantza-erakundeak euskal ikus-entzunezkoen sektorearekin duen konpromisoa.
Elkargik, azken urteotan, euskal enpresen partaidetza duten ekoizpen zinematografiko askoren finantzaketan parte hartu du. Orain, ahaleginak areagotu ditu, eta prest dago ikus-entzunezko enpresei sektorearen berezitasunetara egokitutako finantza-zerbitzuak eskaintzeko, bai finantzaketa lortzeko, bai inbertitzaileak bilatzeko eta Interes Ekonomikoko Taldeak (AIEs) sortzeko, sektoreak gero eta gehiago eskatzen duen tresna baita.
Sari hori ingurumen-aholkularitzako IBAIA-Bilibin Zirkularra sariari gehitu behar zaio. Sari hori bi helbururekin sortu da: batetik, enpresak trantsizio ekologikoko prozesua hasteko beharraz sentsibilizatzea, eta, bestetik, arlo horretan administrazioek dagozkien laguntzak jasotzeko ezartzen ari diren baldintzak betetzen laguntzea.
Gogoratu nahi dugu, datorren irailaren 19, 20 eta 21ean, Donostia Zinemaldiaren barruan egingo den “lau Haizetara” Foroaren XVIII. Edizioan, proiektuak aurkezteko deialdia ekainaren 27ra arte zabalik mantenduko dela.
