Informazio korporatiboa
ELKARGI, E.G.E. enpresek enpresentzat sortutako finantza-erakundea da, enpresen finantza-egitura eta -baldintzak hobetzeko helburua duena bi arloren bidez:
- Jarduera abal-emailea, enpresei irtenbide egokienak eskaintzen dizkiena, bai epe luzerako finantziazioak lortzeko, bai interes-tipoen, komisioen eta amortizazio-epeen lehentasunezko baldintzetan, bai eta hirugarrenen aurrean betebeharrak bermatzeko ere.
- Finantza-aholkularitza eta -zerbitzuak, finantza-eremuko informazio, trebakuntza eta kudeaketa gabeziei aurre egiteko.
Victoriano Susperregui Lete
Lehendakaria
Jesús Alberdi Areizaga
Kontseilari Ordezkaria eta Zuzendari Nagusia
Bazkide Partaideak enpresak dira, gehienak ertain eta txikiak, eta gaur egun, ELKARGI, E.G.E.k Euskadiko, Nafarroako, Errioxako, Zaragozako eta beste erkidego batzuetako 11.000 enpresa bazkide baino gehiago ditu, jarduera ekonomikoko sektore guztietakoak.
ELKARGI, E.G.E. 1980an sortu zen eta, ordudanik, etengabeko hazkunde iraunkorra izan du, eta garapen osasuntsua, kopuru esanguratsuenen garapenak adierazten duten bezala: 2010 urteko amaieran 11.494 enpresa bazkide; 358,2 milioi euro abaletan 2010ean formalizatuak; 4.251,8 milioi euro emandako abaletan (historikoa) 2010eko abendura arte, eta horietatik 1.311,6 oraindik indarrean daude; Bere baliabideetan 106,8 milioi ditu, 2,8 milioiko irabaziak, bai eta kaudimen, berankortasun eta kobraezinen-ratio ezin hobeak ere.
